قصه قصيره...ذاكرتى سبب شقائى قلم
نسمة الجمل


..................

"فى منزل جميل تعيش شابه فى متوسط العشرينات تضع الاكل على تربيزة السفره"
"بصوت اعلى" يلا يا محمد الفطار جاهز
"محمد بيخرج من اوضة نومه وهو بيلبس جاكت البدله وماسك بأيده الشنطه " انا اتأخرت اوى يا جنا يا دوب امشى
"بحزن" اللى يريحك
"محمد لاحظ حزن جنا بيسيب الشنطه من ايده" بنك ايه دا اللى ازعلك علشانه سيبك انتى بلا شغل بلا بتاع يلا هافطر احلى فطار من ايديكى
"جنا بأبتسامه" ربنا يخليك
"ويخليكى ليا يا حبيبتى واشوف ابتسامتك دى على طول منوره وشك يارب"
"جنا بأحراج" ربنا يخليك
"محمد بيقوم من على الاكل وبيقرب من جنا يبوسها برد فعل مفاجئ جنا جسمها اتكهرب"
"بيرجع لورا وهو بيسيبها وندمان انه قرب منها"
"جنا بحزن حست انها ضايقت محمد قربت هى منه" مع السلامه يا حبيبى "
"محمد بأبتسامه مصطنعه" مع السلامه
"محمد بيخرج من البيت وبيزل على السلم وهو سرحان"
"نفسى اتكلم معاكى يا جنا نفسى اعرف ايه اللى بيخليكى تبعدى كل ما اقرب منك خلص السلم وطلع ركب عربيته ومشى "
"جنا واقفه حزينه وعينيها على السفره اللى اقدامها بتبكى انا ايه اللى بعمله فى نفسى دا محمد ميستحقش منى كل دا"

"فلاش باك"
"جنا قاعده فى مطعم شيك واقدامها بيتزا وفى الكرسى المقابل ليها على التربيزه قاعد شاب عينيه بتتكلم بحبه ليها"
"جنا بأحراج" ايه يا علاء بتبصلى كده ليه
"بحبك اوى "
"وانا كمان بحبك اوى "
"انا متأكد من كده وعلشان كده كلمت بابا وهنكون عندكوا يوم الخميس ان شاء الله"
"جنا بفرحه مش قادره تدرايها" بجد يا علاء هاتيجى تتقدملى
"برخامه "انا قولت هاتقدملك انتى بتدبسينى
"جنا بحزن " شكرا على فكره انت رخم
"علاء يا بنتى بهزر معاكى انتى بتقفشى بسرعه ليه "
"علشان انت رخم وانا بقى مش هاكل وماشيه وبتقف"
"علاء بيمسك ايديها بضيق وبحزم" اقعدى
"جنا بتقعد" انا عاوزه امشى
"انتى عارفه ان محبكيش تمشى وانا بكلم صح "
"عارفه بس انت قاصد تضايقنى "
"حتى لو كان متسيبينيش تانى وتقومى "
"حاضر"
"وبيقوم بحزم وهو بيطلع من جيبه فلوس وبيسيبها على التربيزه" يلا بينا وبيسيبها ويمشى
"جنا بتبص حواليها بأحراج وبتقوم تمشى "
"علاء واقف عند عربيته "
"جنا بتقرب منه تركب جمبه"
"علاء بيركب العربيه وهو متضايق"
"جنا بخوف " ايه اللى ضايقك اوى كده المفروض انا اللى ازعل
"انتى ايه ؟؟ بصى يا جنا انا بحب فيكى انك تسمعى كلامى زى ماما بحبك"
"وانا فعلا بحبك"
"طيب يبقى تبقى كويسه كده وتسمعى الكلام ماشى"
"حاضر"
"اخد ايديها بحركه فجائيه وباسها"
"جنا مشاعر هزت جسمها اثرت بالانعكاس عليها للاحسن"
"انا بحبك اوى يا جنا ومبسوط اوى اننا هنكون سوا"
"وانا كمان اوى "
"علاء بيرجع بأيده شعر جنا لورا بأيديه"
"جنا قلبها بيدق اسرع"
"بترجع للواقع مع دموع من عينيها وبتبص على السفره وبتشيل الاكل من عليها تدخله المطبخ"

***************************
"محمد فى عربيته طول الطريق حزين وبيفكر ايه اللى بيخلى جنا تتصرف معاه كده"
"محمد واقف مع اصدقائه اقدام مكان الكورس وهو فى سنه 4 تجاره "
"جنا بتعدى من اقدامه بنوته فى منتهى الجمال شعرها اصفر عينيها رمادى بيضه كل اللى يشوفها يفتكرها اوروبيه من جمالها اللى شمس مصر مقدرتش تغيره"
"بتلفت انتباهه وهى ماشيه وشايله ورق فى ايديها وماشيه ملهاش علاقه بأى حد عجبه اكتر عينيها اللى مبتترفعش من الارض"
"مشى وراها من غير ما يكون حاسس ماشى وراها وخلاص"
"وصلت جنا لبيت ودخلته "
"محمد واقف يبص على البيت وعلى المكان كأنه بيحفظه "
"فاق محمد وهو مستغرب ازاى رجليه ساقته لهنا وازاى خطفته البنوته دى اوى كده لحظات وقف يعاتب نفسه ومشى "
"محمد فى البيت قاعد مع باباه ومامته "
"الاب" ايه يا بنى خلصت امتحاناتك الحمد لله مطمن؟
"اه الحمد لله يا بابا "
"الام" الحمد لله يارب عقبال ما افرح بيك
"فى نفس اللحظه جيت فى باله جنا"
"انا عاوز اخطب فعلا وفى بنت بقالى فتره متابعها وعارف انها مؤدبه اوى "
"الاب" خلاص يابنى نسأل عليهم ونخطبهالك ان شاء الله
"الام" والله يوم المنى وانا عارفين وضامنين شغلك فى خالك حاجزلك معاه فى البنك شغلك ان شاء الله
"محمد بفرحه " يارب يخليكوا ليا وبيقوم يبوس مامته وباباه
"محمد بيفوق على صوت حد بيخبط على ازاز شباك العربيه وهو قاعد جواها"
"السايس" حضرتك هنا يا استاذ محمد دول بيسألوا عليك جيت ولا لسه
"بجد طيب خد وقفل العربيه ونزل"
"محمد بيدخل البنك وهو بيتلفت شمال ويمين يسلم على كل الموجودين "
"موظفه بتجرى عليه" استاذ محمد المدير عاوزك حالا
"حاضر"
"محمد بيدخل للمدير وبيقفل الباب وراه"
"المدير" ايه يا محمد حكايتك وايه التأخير المستمر دا انت مش علشان ابن اختى تحرجنى كده
"محمد بأحراج" انا اسف والله مش هتتقرر تانى انا كنت فى العربيه هنا من بدرى بس معرفش ليه سرحت والوقت سارقنى
"لاء يا محمد بعد كده متسرحش اتفضل على مكتبك وياريت ميتكررش لان محبش الموظفين يقولوا ان سايبك علشان انت قريبى لو سمحت بلاش تحرجنى "
"انا اسف يا خالى بعد اذنك"
"اتفضل "
"محمد بيخرج وشايف الموظفين بيبصوله وشمتانين فيه بسبب بهدلة المدير ليه"
"بيروح يقعد على مكتبه وهو زعلان"
"الله يسامحك يا جنا انت السبب بسرحانى فيكى "
"فلاش باك"
"جنا بتخرج وفى ايديها صينيه شربات وشكلها مش سعيد محمد قاعد هو واهله مبسوطين اوى"
"محمد برمج حزن جنا انه كسوف وخوف "
"الام" يادى النور دا انتوا شرفتونا
"الاب" احنا اتفقنا على كل حاجه بس من حق الولاد يقعدوا سوا مره قبل كل شئ ممكن
"والد جنا " اكيد
"الكل بيخرج الصاله "
"الام جنا" ادخلى يا حبيبتى الاوضه انتى
"جنا بتدخل على مضض وبتقعد على الكرسى القريب من الباب محمد قاعد على كرسى فى الجهه المقابله"
"جنا بتفرك فى ايديها وهى فى قمة توترها"
"محمد مبسوط بأحمرار وش جنا اوى كده وسعيد انها بنوته رقيقه اوى كده "
"اذيك يا جنا انتى عارفه ان اسمك جميل اوى زيك"
"ميرسى ربنا يخليك"
"انتى مش عاوزه تسألينى عن اى حاجه"
"لاء"
"طيب مرتحالى"
"جنا بتكتفى بهز راسها بالايجاب"
"انا سعيد اوى بدا وان شاء الله انا واثق ان هاعيشك احلى امان واستقرار ومش هتلاقى انسان بيحبك ادى "
"ان شاء الله"
"طيب بصى يا جنا ماضيكى بتاعك ولو ان واثق انه ماضى جميل لانسانه جميله مبترفعش عينيها من الارض"
"محمد بيرجع للماضى بأبتسامه يارب اكون قدرت اسعدك بس انتى دايما بعيده عنى نفسى اعرف سبب كده"
********************
"جنا بتنضف اوضة نومها هى ومحمد"
"بتفتح دولابها وبطلع صوره صغيره اوى وبتبص فيها وبتسرح"
"الله يسامحك يا علاء انتى ضيعتنى مبقتش قادره اعيش ولا احس اى مشاعر حلوه تجاه محمد اللى مشوفتش منه غير كل خير ذنبه ايه يتجوز انسانه بارده بدون قلب"
"فلاش باك"
"جنا لابسه ومتشيكه وقاعده فى الصاله وبتسمع لحديث والدها ووالد علاء وعلاء معاهم"
"الام لجنا" والله شكلهم شارينا اوى شكله بيحبك يا جنا بصراحه
"جنا بفرحه مش مصدقه انها هى وعلاء اخيرا هيكونوا لبعض"
"يارب بابا يوافق يا ماما يارب"
"هيوافق ااكيد يا حبيبتى ليه يرفض ناس شاريين كده"
"يارب يارب"
"لحظات وسط كلام حنا ومامتها وعدم تركيز منهم مع كلامهم"
"علاء بيخرج ومعاه باباه وهما فى منتهى الحزن"
"حنا بتبص فى عين علاء اللى بينزل ورا باباه وهى مش فهما حاجه"
"نظرة جنا بعلاء بتتقابل نظرة علاء كلها حزن"
"جنا فرحة وشها اتبدلت لخوف وحزن"
"الاب بيخرج" جنا
"جنا بتجرى تقف لقام الاب"
"الاب بصرامه" انتى تعرفى الولد دا
"جنا بخوف من شدة وقسوة باباها "لاء يا بابا وانا هاعرفه منين
"طيب الناس دول مينفعوناش متحررين جدا واحنا مش كده انا رفضت بأدب انك لسه صغيره وياريت الموضوع دا ميتفتحش تانى"
"جنا بدموع محبوسه وصوت مخنوق" اللى تشوفه يا بابا "
"الله يرضى عليكى يا بنتى"
"جنا بتدخل اوضتها وبتقفل على نفسها وبتسمح لدموعها بالانطلاق"
"جنا بتمسح دموعها وبتحاول تتصل بعلاء مبيردش"
"بتكرر الاتصال اخيرا رد عليها"
"وبصوت واطى "
"ايوه يا علاء مبتردش عليه ليه..يعنى ايه انساك..يعنى انت بدل ما تتحدى الظروف بتبعنى بسهوله كده..ماشى يا علاء شكرا يا اجمل حب فى حياتى قولتلى هكون ليكى امانك وعمرك ما هتكونى لغيرى عند اول مشكله بعتنى ..انساك..ياريتنى اقدر..ربنا يسامحك ياريتك سبتنى زى ما انا انا كنت راضيه بحياتى ..وعاوزه اعيشها ..انت ليه اقتحمتها وخلتنى احبك ..الله يسامحك ..مع السلامه وسابت التليفون من ايديها وفضلت تعيط"
"جنا بترجع للواقع" معقوله مصعبش عليك حبنا يا علاء ولا انا بس اللى كنت بحبك وانت لاء ..بتبص للصوره وبتسأله ياترى انت فعلا حبتنى ولا انا اللى كنت بتوهم الحب"
"انا مش قادره انسى كلامك نظراتك لمسة ايدك لايدى واول رعشه حسيت بيها واول قلبى ما دق "
"انا دلوقتى عامله كده وانت سعيد مع انسانه غيرى بتفرح معاها وهى فرحانه بيك انا اللى بخون محمد فى مشاعرى وهو ميستحقش كده بس مش قادره وبتعيط اقوى والله ما قادره ولا عاوزه اخونه مجرد مشاعر منك لله يا علاء يارتنى ما شووفتك ولا عرفتك ابدا الله يسامحك "
"بتفتكر يوم مرواحها لعلا صاحبتها"
"علا اذيك"
"اذيك انتى يا جنا بقولك فاكره علاء ابن خالتى "
"اه ماله دا"
"عاوز يتقدملك رسمى من يوم ما شافك وهو بيحبك وعاوز يخطبك"
"يخطبنى ازاى انا مش فهما وهو يعرفنى علشان يخطبنى"
"لاء دا معجب بيكى جدا انا مش مصدقه ان فى بنت اصلا قدرت تخليه يحبها كده دا هيتجنن عليكى"
"يجنن براحته انتى عارفانى ماليش فى الحوارات دى"
"ماشى يا جنا انا هاقوله وانتى حره"
"ايوه حره"
"علاء بيطلع على السلم وهما نازلين"
"علا لعلاء" اذيك يا ابن خالتى وبتغمزه بأن جنا رفضت
"علاء بعصبيه بيقطع على جنا طريقها وبيركز عينه فى عينيها "بصى يا جنا انا بحبك وانتى عمرك ما هتكونى لحد غيرى
"جنا بترجع للواقع وهى قلبها بيدق مع كل مره بتفتكر المشهد دا وبتمسح دموعها وبتخبى الصوره تانى وبتخرج على المطبخ"
"بعد وقت بسيط بيرجع محمد البيت "
"جنا بتخرج من المطبخ بأبتسامه انت جيت يا محمد"
"ايوه انا شامم روايح اكل تجنن"
"ايوه يا حبيبى لحظات والاكل هيكون جاهز على السفره"
"ماشى"
"محمد بيدخل اوضته وبيغير هدومه "
"جنا بتجهز السفره وبتنده " يا محمد يلا الاكل جاهز
"محمد بيخرج وبيقعد على التربيزه وبيتجنب يبص لجنا"
"جنا ملاحظه التوتر اللى محمد فيه حاولت تقل من حدته"
"ها يا حبيبى عملت ايه فى الشغل"
"تمام الحمد لله"
"يعنى اتبسط"
"يعنى مافيش جديد"
"جنا حاسه ان محمد بيحاول يقل من كلامهم سوا اتضايقت لانه ميستاهلش كده"
"فكرت لحظات"
"بعد اذنك يا محمد هدخل الاوضه"
"مش هتتغدى"
"لاء اكلت وانا بطبخ فا شبعت"
"ماشى"
"جنا بتفتح دولابها وبتاخد طقم من على الشماعه تلبسه"
"غيرت هدومها بسرعه وقعدت اقدام المرايه وحطت ميك اب وبرفن"
"ايديها فيها قلم روج وبتحط بيه على شفايفها سرحت"
"فلاش باك"
"علاء بيتكلم بعصبيه وهما قاعدين فى العربيه بتاعته"
"ايه الروج اللى انتى حطاه دا"
"مالك يا علاء كل البنات بتحط روج هى كمان اهيه"
"واحنا مالنا ومال البنات انتى حبيبتى انا وبأيده على شفايفها وبيمسح الروج "
"جنا بضيق ان وشها بقى مش نضيف والروج بهدله" ايه اللى عملته دا
"دى حاجه صغيره علشان بعد كده تعرفى ان موضوع تحطى روج تانى لاء"
"بس انا بجمل نفسى علشانك"
"لاء وانتى جميله اوى كده الروج دا فى بيتنا انا وانتى وانا بس اللى شايفك اقدام الناس لاء"
"جنا بدموع" انا مافيش حاجه بعملها خالص بتعجبك كده"
"لاء يا جنا انا بحبك اوى وبغير عليكى متقوليش مافيش حاجه مش بتعجبنى انتى كلك على بعضك حبيبتى وانا بحبك "
"جنا بدموع"اللى بيحب حد مبيفضلش يزعله كده
"انا عارف بس انا بغير عليكى ولما بحس انك حلوه فوق العاده وحد بيبصلكمبقدرش اتحكم فى اعصابى بلاش تعيطى بقى وحياتى"
"حاضر مش هعيط"
"انا اسف وبحبك"
"وانا كمان بحبك "
"جنا بترجع للواقع على محمد وهو بيقرب منها وبيبوسها من خدها"
"ايه الجمال دا يا جنا وحشتينى"
"بدموع محبوسه " وانت كمان وقامت معاه

***************************************

"مرت الايام وجنا بتحاول تعيش بسعاده بس ذكريات علاء دايما مسيطره عليها"
"جنا نايمه فى السرير حاسه بتقل فى جسمها وبطنها بتوجعها"
"محمد بحب" مالك بس يا حبيبتى انتى بقالك يومين كده لازم تكشفى
"انا كويسه اكيد واخده برد بس"
"لاء وانا مش هاسيبك كده لازم اكشف عليكى"
"حاضر"
.................
"فى نفس اليوم بليل"
"جنا نايمه والدكتور بيكشف عليها"
"محمد قاعد قلقان"
"الدكتور" الف الف مبروك
"محمد بفرحه" حامل يا دكتور صح
"جنا بفرحه اكبر" بجد حامل وهبقى ام
"محمد بيقرب منها يقومها الحمد لله"
"الدكتور" بس حملك ضعيف يا مدام جنا لازم ترتاحى
"حاضر"
"محمد بيمسك ايديها وبيخرجوا من اوضة الدكتور"
"وبفرحه" انا مبسوطه اوى اوى
"محمد" بجد يا جنا فرحانه انك هاتبقى ام ولادى
"جنا" ايوه يا محمد ويارب انت كمان تكون مبسوط
"انا مافيش انسان اسعد منى بس اعملى حسابك انتى مش هاتعملى اى حاجه فى البيت خالص كل حاجه انا هجبها ليكى ماشى "
"ماشى يا حبيبتى ربنا يخليك ليا"
"ويخليك ليا يارب"
******************
"جنا نايمه فى السرير وكل تفكيرها فى محمد وفرحته وانها اد ايه كانت قاسيه معاه"
"وبتفتكر علاء واد ايه كان قاسى فى تعاملاته بتقارن بينهم بس دايما علاء بمشاعرها واحساسها كفته بتكسب"
"انا خلاص مش عاوزه اى حد منكوا المهم عندى ان اقوم بالسلامه نفسى ربنا يرزقنى بأى مولود اعيش علشانه يكون هو وبس فرحتى"
"محمد بيدخلها الاوضه وفى ايديه صينيه عليها اكل"
"جنا" تاعب نفسك ليه بس يامحمد
"محمد بحب" يلا يا قلب محمد علشان اكلك بأيدى
"جنا بدموع" انا اسفه اوى يا محمد
"محمد بحزن" ليه بتتأسفى دلوقتى وليه دموعك
"علشان انا مكنتش ليك زوجه بحق مقدرتش اكون عايشه علشانك وليك "
"مش فاهم"
"يعنى مقدرتش اسعدك وانت حنين اوى كده"
"ومين قالك ان مش سعيد انا سعيد اوى اوى معاكى وبحبك جدا وهنكون اسعد واسعد بأبننا انا متأكد"
"ربنا يخليك ليا يا محمد يارب يقدرنى واكون انسانه تانيه واقدر اسعدك"
"محمد وانا فعلا سعيد اوى ومش بتمنى اكتر من كده"
"جنا فى قرارة نفسها بتقرر تنسى علاء وكل ما تفتكره تستغفر كتير لان محمد ميستاهلش تبقى عايشه معاه ومشاعرها مع غيره "

****************